ఈనెల 12 పొంగులేటి మీడియా సమావేశం …కాంగ్రెస్ లో చేరుతున్నట్లు ప్రకటన ..
ఆయనతోపాటు మరికొంత మంది సీనియర్ నేతలు కాంగ్రెస్ గూటికి
ఇప్పటికి కాంగ్రెస్ నాయకులతో చర్చలు
కొంతమంది చిల్లర మాటలపై అసంతృప్తి
ఆవిషయాలు గమనించామని కాంగ్రెస్ నేతల వెల్లడి

బీఆర్ యస్ బహిష్కృత నేత మాజీ ఖమ్మం ఎంపీ పొంగులేటి శ్రీనివాస్ రెడ్డి తన ఐదు నెలల 15 రోజుల నిరీక్షణ కాలానికి తెరదించనున్నారు . ఇప్పటికే కార్యకర్తల అభిప్రాయాలు తీసుకొన్న పొంగులేటి వారి అభిప్రాయాల మేరకే నడుచుకుంటానని వెల్లడించారు . ప్రస్తతం హైద్రాబాద్ లో ఉన్నా పొంగులేటి కొంతమంది నాయకులతో మాట్లాడుతున్నారు. అందరు కలిసి సంయుక్త ప్రకటన చేసే అవకాశం ఉంది. పోగులేటితోపాటు జూపల్లి మరికొంతమంది కూడ కాంగ్రెస్ లో చేరనున్నారు .తెలంగాణ జనసమితి నాయకులు ప్రొఫెసర్ కోదండరాం కూడ కాంగ్రెస్ తీర్థం పుచ్చుకుంటారని ప్రచారం జరుగుతుంది. ప్రచారానికి తగ్గట్లుగానే కేసీఆర్ ను గద్దె దించేందుకు అవసరమైతే తన పార్టీని విలీనం చేస్తామని ప్రకటించారు . అందువల్ల ఆయన కూడ వీరితో కలిసే అవకాశం ఉంది .అయితే ఆయన విషయం నిర్దారణ కావాల్సి ఉంది…

పొంగులేటి నుంచి ఈ నెల 12న ప్రకటన: మల్లు రవి 

ఈ నెల 12వ తేదీన పొంగులేటి శ్రీనివాస్ రెడ్డి నుంచి కీలక ప్రకటన వెలువడే అవకాశముందని కాంగ్రెస్ నేత మల్లు రవి అన్నారు. శనివారం మల్లు రవిని బీఆర్ఎస్ ఎమ్మెల్సీ దామోదర రెడ్డి, జూపల్లి కృష్ణారావు తదితరులు కలిశారు. అనంతరం మల్లు రవి మాట్లాడారు.