- నకిలీ మద్యం కేసులో మాజీ మంత్రి జోగి రమేశ్ అరెస్ట్
- ఆయన సోదరుడు జోగి రామును కూడా విచారించిన సిట్
- సుమారు 12 గంటల పాటు కొనసాగిన విచారణ
- జోగి సోదరులకు ఈ నెల 13 వరకు రిమాండ్ విధించిన న్యాయస్థానం
- అర్ధరాత్రి దాటాక వాదనలు.. తెల్లవారుజామున తీర్పు
- ఇద్దరినీ విజయవాడ జైలుకు తరలించిన పోలీసులు
నకిలీ మద్యం కేసులో అరెస్టయిన వైసీపీ నేత, మాజీ మంత్రి జోగి రమేశ్కు న్యాయస్థానం రిమాండ్ విధించింది. ఈ నెల 13 వరకు ఆయనకు రిమాండ్ విధిస్తూ న్యాయమూర్తి తీర్పు ఇచ్చారు. రమేశ్తో పాటు ఆయన సోదరుడు జోగి రాముకు కూడా రిమాండ్ విధించడంతో సోదరులిద్దరినీ పోలీసులు విజయవాడ జైలుకు తరలించారు.
అంతకుముందు ఎన్టీఆర్ జిల్లా ఇబ్రహీంపట్నంలో ఆదివారం ఉదయం జోగి రమేశ్ను ప్రత్యేక దర్యాప్తు బృందం (సిట్) అధికారులు అదుపులోకి తీసుకున్న విషయం తెలిసిందే. తూర్పు ఎక్సైజ్శాఖ కార్యాలయంలో ఆయనను సుమారు 12 గంటల పాటు సుదీర్ఘంగా విచారించారు. ఈ కేసులో ప్రధాన నిందితుడిగా ఉన్న జనార్దనరావుతో ఉన్న సంబంధాలపై అధికారులు ఆరా తీశారు. రమేశ్ను, ఆయన సోదరుడు రామును వేర్వేరుగా, ఆపై కలిపి ప్రశ్నించారు.
విచారణ అనంతరం వైద్య పరీక్షలు పూర్తి చేసి, సోదరులిద్దరినీ అర్ధరాత్రి దాటిన తర్వాత న్యాయమూర్తి ఎదుట హాజరుపరిచారు. రాత్రిపూట వాదనలు కొనసాగి, తెల్లవారుజామున 5 గంటల సమయంలో న్యాయమూర్తి రిమాండ్ విధిస్తూ తీర్పు వెలువరించారు. దీంతో పోలీసులు వారిని విజయవాడ జైలుకు తరలించారు.
జోగి రమేశ్ కస్టడీ కోసం ఎక్సైజ్ అధికారుల పిటిషన్… విచారణ రేపటికి వాయిదా
నకిలీ మద్యం కేసులో అరెస్టయిన మాజీ మంత్రి, వైసీపీ నేత జోగి రమేశ్ను కస్టడీకి ఇవ్వాలంటూ ఎక్సైజ్ శాఖ అధికారులు కోర్టును ఆశ్రయించారు. జోగి రమేశ్తో పాటు ఆయన సోదరుడు జోగి రామును 10 రోజుల పాటు తమ కస్టడీకి అప్పగించాలని కోరుతూ దాఖలు చేసిన పిటిషన్పై సోమవారం విచారణ జరిగింది. వాదనలు విన్న న్యాయస్థానం, కౌంటర్ దాఖలు చేయాలని ఆదేశిస్తూ తదుపరి విచారణను రేపటికి వాయిదా వేసింది.
నిన్న ఆదివారం ఎన్టీఆర్ జిల్లా ఇబ్రహీంపట్నంలో సిట్ అధికారులు జోగి రమేశ్ను అరెస్టు చేసిన విషయం తెలిసిందే. అనంతరం ఆయన్ను, ఆయన సోదరుడు రామును తూర్పు ఎక్సైజ్ శాఖ కార్యాలయంలో దాదాపు 12 గంటల పాటు సుదీర్ఘంగా విచారించారు. అర్ధరాత్రి దాటిన తర్వాత న్యాయమూర్తి ఎదుట హాజరుపరచగా, వారికి నవంబర్ 13 వరకు రిమాండ్ విధించారు.
ఈ కేసులో ప్రధాన నిందితుడైన జనార్దనరావుతో వారికి ఉన్న సంబంధాలపై అధికారులు లోతుగా ఆరా తీశారు. రిమాండ్ విధించడంతో జోగి సోదరులను విజయవాడ జైలు నుంచి నెల్లూరు జైలుకు తరలించారు. కేసులో మరింత లోతైన దర్యాప్తు కోసం వారిని కస్టడీకి తీసుకోవడం అత్యవసరమని ఎక్సైజ్ శాఖ భావిస్తోంది. ఈ నేపథ్యంలోనే కస్టడీ పిటిషన్ దాఖలు చేసింది.
ఇదే కేసులో అద్దేపల్లి సోదరులను రెండోసారి కస్టడీకి కోరుతూ ఎక్సైజ్ శాఖ దాఖలు చేసిన మరో పిటిషన్పై విచారణ నవంబర్ 6న జరగనుంది. జోగి రమేశ్ కస్టడీ పిటిషన్పై మంగళవారం కోర్టు ఎలాంటి నిర్ణయం తీసుకుంటుందనే దానిపై సర్వత్రా ఆసక్తి నెలకొంది.
విజయవాడ జైలు నుంచి నెల్లూరు జైలుకు జోగి రమేశ్ తరలింపు
నకిలీ మద్యం కేసులో అరెస్టయిన మాజీ మంత్రి, వైసీపీ నేత జోగి రమేశ్, ఆయన సోదరుడు రాముకు న్యాయస్థానం 10 రోజుల రిమాండ్ విధించింది. ఈ నెల 13వ తేదీ వరకు వారికి జ్యుడీషియల్ రిమాండ్ విధిస్తూ న్యాయమూర్తి ఈ తెల్లవారుజామున ఆదేశాలు జారీ చేశారు. కోర్టు ఆదేశాల మేరకు తొలుత విజయవాడ జైలుకు వారిని తరలించారు. అనంతరం నెల్లూరు జైలుకు మార్చారు.
నిన్న ఉదయం ఎన్టీఆర్ జిల్లా ఇబ్రహీంపట్నంలో జోగి రమేశ్ను సిట్ అధికారులు అదుపులోకి తీసుకున్న విషయం తెలిసిందే. అనంతరం విజయవాడలోని తూర్పు ఎక్సైజ్శాఖ కార్యాలయానికి తరలించి సుమారు 12 గంటల పాటు సుదీర్ఘంగా విచారించారు. ఈ కేసులో కీలక నిందితుడిగా ఉన్న జనార్దనరావుతో ఉన్న సంబంధాలపై అధికారులు ఆరా తీశారు. రమేశ్తో పాటు ఆయన సోదరుడు రామును కూడా వేర్వేరుగా, కలిపి ప్రశ్నించి వివరాలు సేకరించారు.
విచారణ అనంతరం వైద్య పరీక్షలు పూర్తి చేసి, సోదరులిద్దరినీ న్యాయమూర్తి ఎదుట హాజరుపరిచారు. అర్ధరాత్రి దాటిన తర్వాత ఇరుపక్షాల వాదనలు ప్రారంభమయ్యాయి. సుదీర్ఘ వాదనల అనంతరం సోమవారం తెల్లవారుజామున 5 గంటలకు న్యాయమూర్తి తీర్పు వెలువరిస్తూ రిమాండ్కు ఆదేశించారు. దీంతో తొలుత వారిని విజయవాడ జిల్లా జైలుకు, అక్కడి నుంచి నెల్లూరు కేంద్ర కారాగారానికి తరలించారు.
ఈ కక్ష సాధింపు నారా వారి కొత్త చట్టంలా మారింది: సజ్జల
- కూటమి ప్రభుత్వం ఆర్గనైజ్డ్ క్రైమ్కు పాల్పడుతోందన్న సజ్జల
- జోగి రమేశ్ అరెస్ట్తో ప్రభుత్వ వికృత చేష్టలు పరాకాష్టకు చేరాయని మండిపాటు
- నకిలీ మద్యం కేసులో టీడీపీ నేత పాత్రపై ఆధారాలున్నాయని వ్యాఖ్య
రాష్ట్రంలో కూటమి ప్రభుత్వం అధికారంలోకి వచ్చాక ‘ప్రభుత్వం’ అనే పదానికే అర్థం మారిపోయిందని, ప్రభుత్వమే వ్యవస్థీకృత నేరాలకు పాల్పడుతోందని వైసీపీ రాష్ట్ర కో-ఆర్డినేటర్ సజ్జల రామకృష్ణారెడ్డి తీవ్రస్థాయిలో ధ్వజమెత్తారు. ప్రభుత్వాలు ప్రజల ఆకాంక్షలకు అనుగుణంగా పనిచేయాలి కానీ, కూటమి ప్రభుత్వం మాత్రం వ్యవస్థలను గాలికి వదిలేసి ప్రత్యర్థులపై కక్ష సాధింపులకు దిగుతోందని ఆరోపించారు. మాజీ మంత్రి జోగి రమేశ్ అరెస్ట్తో వీరి వికృత చేష్టలు పరాకాష్ఠకు చేరాయని ఆయన విమర్శించారు.
నకిలీ మద్యం కేసు వ్యవహారంపై సజ్జల మాట్లాడుతూ, ఈ వ్యవహారంలో టీడీపీ నేత జయచంద్రారెడ్డి పాత్ర స్పష్టంగా కనిపిస్తోందని, అందుకు తగిన ఆధారాలున్నాయని తెలిపారు. జయచంద్రారెడ్డి మనుషులే నకిలీ మద్యం ఫ్యాక్టరీలు నడిపి, వారి షాపుల్లోనే అమ్ముతున్నారని ఆరోపించారు. ఆయనకు ఆఫ్రికాలో వ్యాపారాలు ఉన్నాయని ఎన్నికల అఫిడవిట్లోనూ స్పష్టంగా పేర్కొన్నారని గుర్తుచేశారు. ఇంత స్పష్టంగా ఆధారాలున్నా, వాస్తవాలను పక్కనపెట్టి వైసీపీ నేతలపై నెపం మోపడానికి జోగి రమేశ్ను అసంబద్ధంగా అరెస్ట్ చేశారని మండిపడ్డారు.
కూటమి అధికారంలోకి వచ్చిన నాటి నుంచి వైసీపీ నేతలు, కార్యకర్తలపై కక్ష సాధింపు చర్యలు పెరిగిపోయాయని సజ్జల ఆవేదన వ్యక్తం చేశారు. టీడీపీ గ్రూపుల గొడవల్లో జరిగిన జంట హత్యల కేసును తమ పార్టీ నేత పిన్నెల్లి రామకృష్ణారెడ్డి సోదరులపై పెట్టారని అన్నారు. తునిలో మైనర్ బాలికపై టీడీపీ నేత అత్యాచారం చేస్తే, సంబంధం లేని వైసీపీ కార్యకర్తలను పోలీస్ స్టేషన్లకు పిలిచి వేధిస్తున్నారని ఆరోపించారు. సోషల్ మీడియా కేసులో గంజాయి పెట్టి అరెస్ట్ చేస్తే హైకోర్టు కూడా ప్రభుత్వానికి మొట్టికాయలు వేసిందని గుర్తుచేశారు.
రాష్ట్రంలో లోకేశ్ ‘రెడ్ బుక్’ పాలన నడుస్తోందని, ఆయన నేతృత్వంలో విధ్వంసకర పాలన సాగిస్తున్నారని సజ్జల విమర్శించారు. “ప్రతిపక్షం గొంతు వినిపించకూడదనే ఉద్దేశంతో ఇష్టానుసారంగా వ్యవహరిస్తున్నారు. కేవలం వాంగ్మూలాల ఆధారంగా వైసీపీ నేతలను అరెస్ట్ చేసి జైళ్లలో పెడుతున్నారు. కక్ష సాధింపే ‘నారా వారి కొత్త చట్టం’లా మారింది” అని ఆయన వ్యాఖ్యానించారు. జోగి రమేశ్ ఇంట్లో పెన్డ్రైవ్లు, హార్డ్ డిస్క్లు దొరికాయంటూ చట్టాన్ని పూర్తిగా దుర్వినియోగం చేస్తున్నారని, నేరం చేయకపోయినా తమ నేతలు శిక్షకు గురవుతున్నారని అన్నారు. ఇన్ని జరుగుతున్నా రాష్ట్రంలో నకిలీ మద్యం అమ్మకాలు మాత్రం ఆగడం లేదని సజ్జల విమర్శించారు.
