ఉత్తరకొరియా అధినేత కిమ్ జోంగ్ ఉన్ టీనేజ్ కూతురు, తన తండ్రి పర్యవేక్షణలో జరిగిన సైనిక శిక్షణలో భాగంగా ఒక యుద్ధ ట్యాంకును నడిపింది. ఈ తండ్రీకూతుళ్ల తాజా బహిరంగ ప్రదర్శన, ఆ అమ్మాయిని కిమ్ వారసురాలిగా తీర్చిదిద్దుతున్నారనే ఊహాగానాలకు మరింత బలం చేకూర్చింది. ఇటీవల ఫైరింగ్ రేంజ్లో రైఫిల్తో ఆ అమ్మాయి కనిపించింది. మరోచోట హ్యాండ్ గన్తో షూటింగ్ చేస్తున్న చిత్రాలు బయటకు వచ్చాయి.
తాజాగా, కుమార్తె యుద్ధ ట్యాంకును నడుపుతుండగా, కిమ్ జాంగ్ ఉన్ ఆమె పక్కనే కూర్చున్నారు. ఆ ట్యాంకర్పై మరికొంతమంది సైనిక అధికారులు కూడా ఉన్నారు. ఇందుకు సంబంధించిన ఫొటోను ఉత్తరకొరియా అధికారిక మీడియా కేసీఎన్ఏ విడుదల చేసింది. గత కొన్నాళ్లుగా కిమ్ పక్కనే తరచూ కుమార్తె కనిపిస్తున్నారు.
ఉత్తరకొరియా సైనిక దళంలోకి కొత్త యుద్ధ ట్యాంక్లు వచ్చాయి. గురువారం ఆ ట్యాంక్లను కిమ్ పరిశీలించారు. డ్రోన్లు, యాంటీ ట్యాంక్ మిస్సైళ్లను ఆ ట్యాంక్తో పేల్చవచ్చు.
