వీగిపోయిన మహిళా రిజర్వేషన్ బిల్లు …బీజేపీకి షాక్

మొత్తం పోలైన ఓట్లు 528 …బిల్లు నెగ్గాలంటే రావాల్సిన ఓట్లు 352

ఎన్డీయే కూటమికి 298 …ఇండియా కూటమికి 230

2 /3 రావాలంటే మరో 54 ఓట్లు అవసరం …

అంచనాలు తప్పాయా …లేక బీజేపీ గేమ్ లో భాగమా …

మహళలకు లోకసభలో రిజర్వేషన్లు కల్పిస్తూ 131 రాజ్యాంగ సవరణ ద్వారా లోకసభలో బిల్లు తీసుకోని రావాలని బీజేపీ చేసిన ప్రయత్నాలు బెడిసి కొట్టాయి ..దీంతో బీజేపీ శిభిరం షాక్ తిన్నది ..ప్రతిపక్ష ఇండియా కూటమి బల్లలు చరిచింది …మహిళా రిజర్వేషన్ , డీలిమిటేషన్ బిల్లు లోకసభ నెగ్గాలంటే హాజరైన సభ్యుల్లో 2/3 వంతు మెజారిటీ రావాల్సి ఉంది ..ఇందుకు కోసం పార్లమెంట్ ప్రత్యేక సమావేశాన్ని ఏర్పాటు చేసింది …రెండు రోజులుగా దీనిపై సుదీర్ఘ చర్చ నడిచింది ..అనంతరం బిల్లును స్పీకర్ ఆదేశాలతో లోకసభ సెక్రటరీ జనరల్ సభ్యుల ఒట్లింగ్ కు కాల్ ఫర్ చేశారు …తోలుగా ఎలక్ట్రానిక్ ఓటింగ్ యంత్రాలను ఉపయోగించి సభ్యులు ఓటు చేశారు ..అయితే 489 మాత్రమే ఓట్ వేయగలిగారు …మిగతా సభ్యులను స్లిప్స్ ఇవ్వడం ద్వారా వారి ఓటింగ్ లెక్కించారు ..మొత్తానికి మొత్తం 528 మంది సభ్యులు ఓటింగ్ లో పాల్గొన్నారు …ఇందులో అధికార ఎన్డీయే కూటమికి అనుకూలంగా 298 మంది ,ప్రతిపక్ష ఇండియా కూటమికి అనుకూలంగా 230 మంది ఓట్ చేశారు … బిల్లు నెగ్గాలంటే 2/3 అంటే 352 ఓట్లు రావాలి ..కానీ రాలేదు .. దీంతో బిల్లు వీగిపోయినట్లు స్పీకర్ ఓం బిర్లా ప్రకటించారు …ఇండియా కూటమి సభ్యులు బల్లలు చరుస్తూ ఆనందం వ్యక్తం చేశారు ..ఇండియా కూటమి వాదన ఏమిటంటే మహిళా బిల్లుతో డీలిమిటేషన్ జత చేయడం సరికాదని ,మీరు ప్రత్యేకంగా మహిళా బిల్లును పెడితే మద్దతు ఇస్తామని ప్రకటించారు .. బిలు వీగిపోవడంతో దీనికి

మహిళా రిజర్వేషన్ చట్టం, డీలిమిటేషన్ బిల్లుకు బ్రేక్… లోక్ సభలో వీగిపోయిన రాజ్యాంగ సవరణ బిల్లు

• రాజ్యాంగ సవరణ బిల్లుకు అనుకూలంగా 298 ఓట్లు
• బిల్లుకు వ్యతిరేకంగా 230 ఓట్లు
• మూడింట రెండొంతుల మెజార్టీ రాకపోవడంతో వీగిపోయిన బిల్లు

కేంద్రంలోని మోదీ ప్రభుత్వానికి లోక్‌సభలో ఊహించని, భారీ ఎదురుదెబ్బ తగిలింది. దేశవ్యాప్తంగా తీవ్ర ఉత్కంఠ రేపిన రాజ్యాంగ (131వ సవరణ) బిల్లు శుక్రవారం సభలో వీగిపోయింది. లోక్‌సభ స్థానాలను పెంచడంతో పాటు, చట్టసభల్లో మహిళలకు మూడింట ఒక వంతు రిజర్వేషన్లను 2029 నుంచి అమలు చేయాలని ప్రతిపాదించిన ఈ బిల్లు, అవసరమైన మూడింట రెండొంతుల మెజారిటీని సాధించడంలో విఫలమైంది.

రెండు రోజుల పాటు జరిగిన వాడీవేడి చర్చ అనంతరం జరిగిన ఓటింగ్‌లో బిల్లుకు అనుకూలంగా 298 ఓట్లు, వ్యతిరేకంగా 230 ఓట్లు పోలయ్యాయి. సాధారణ మెజారిటీ లభించినప్పటికీ, రాజ్యాంగ సవరణకు తప్పనిసరి అయిన ప్రత్యేక మెజారిటీని పొందలేకపోవడంతో బిల్లు ఓటమి పాలైంది. ఈ బిల్లు ద్వారా లోక్‌సభలోని ప్రస్తుత 543 స్థానాలను 850కి పెంచాలని, నియోజకవర్గాల పునర్విభజన ప్రక్రియ పూర్తి చేశాక ఈ పెంపును అమలు చేయాలని ప్రభుత్వం ప్రతిపాదించింది. దీనితో పాటే, ఎంతోకాలంగా ఎదురుచూస్తున్న 33 శాతం మహిళా రిజర్వేషన్లను లోక్‌సభ, రాష్ట్రాల అసెంబ్లీలలో అమలు చేయాలని లక్ష్యంగా పెట్టుకుంది.

బిల్లుపై జరిగిన చర్చలో ప్రధానమంత్రి నరేంద్ర మోదీ, హోంమంత్రి అమిత్ షా బలంగా తమ వాదనలు వినిపించారు. ఓటర్లు, ప్రజాప్రతినిధుల మధ్య నిష్పత్తిలో ఉన్న అసమానతను సరిదిద్దాల్సిన అవసరం ఉందని, ఇందుకోసం నియోజకవర్గాల పునర్విభజన తప్పనిసరి అని ప్రభుత్వం పేర్కొంది. మహిళా రిజర్వేషన్ల విషయంలో ప్రతిపక్షాల వైఖరిని దేశంలోని మహిళలందరూ గమనిస్తున్నారని హెచ్చరించారు. నియోజకవర్గాల పునర్విభజనను కాంగ్రెస్ పార్టీ చారిత్రాత్మకంగా అడ్డుకుంటూ వస్తోందని, ఇప్పుడు కూడా అదే పనిచేస్తోందని అమిత్ షా ఆరోపించారు.

అయితే, ప్రభుత్వ వాదనను ప్రతిపక్షాలు తీవ్రంగా వ్యతిరేకించాయి. మహిళా సాధికారత అనే ముసుగులో కేంద్ర ప్రభుత్వం రాజకీయ ఎత్తుగడకు పాల్పడుతోందని విమర్శించాయి. ఈ బిల్లు ఆమోదం పొందితే, జనాభా పెరుగుదల ఎక్కువగా ఉన్న ఉత్తర భారత రాష్ట్రాలకు రాజకీయంగా ప్రయోజనం చేకూరుతుందని, జనాభాను నియంత్రించిన దక్షిణాది రాష్ట్రాలు తీవ్రంగా నష్టపోతాయని ఆందోళన వ్యక్తం చేశాయి. దక్షిణాది రాష్ట్రాల గొంతును అణచివేసే ప్రయత్నమే ఈ బిల్లు అని విపక్షాలు ఆరోపించాయి.

ఈ కీలక బిల్లు ఓటమి పాలవడంతో, దీనితో ముడిపడి ఉన్న నియోజకవర్గాల పునర్విభజన బిల్లు, కేంద్ర పాలిత ప్రాంతాల్లో మహిళా కోటాను విస్తరించే సవరణ బిల్లులను కూడా ముందుకు తీసుకువెళ్లబోమని పార్లమెంటరీ వ్యవహారాల మంత్రి కిరణ్ రిజిజు స్పష్టం చేశారు. ఈ ఓటమి మోదీ ప్రభుత్వ శాసనపరమైన రికార్డులో ఒక అరుదైన వైఫల్యంగా నిలిచిపోతుంది. అదే సమయంలో, తమ వాదనకు విజయం లభించిందని ప్రతిపక్షాలు భావిస్తున్నప్పటికీ, చట్టసభల్లో అడుగుపెట్టాలని ఆశిస్తున్న మహిళలకు మాత్రం రిజర్వేషన్ల కోసం నిరీక్షణ మరింత పెరిగింది. ఈ పరిణామంతో మహిళా రిజర్వేషన్ల భవిష్యత్తు మళ్లీ అనిశ్చితిలో పడింది.